Ada kisah…..
Bahari ngintu ada ngarannya Tukacit, sidin ngintu katuju banar ka wisi ngapa-ngapa kah diulah sidin. Ada jua urang mangisahakan sindin ngintu parnah umpat sambahyang maghrib, pas haratan urang handak sambahyangan sidin ngintu bakalakuan banar.
“Allahu akbar” ujar imam dimuka
“ai, hadang hulu” si amang Tukacit ngini manyahut dibalakang maka urang handak takbiratul hudah, cangangan ae nang dimuka malihat amang Tukacit ngintu. Tahulah, sidin ngintu jadi dikiau amang, sidin ngintu mudilnya tu urang tatuha dikampung. Sidin ngintu tuha a’incaan banaham tapi kalakuan pina manganganak. Cuntuhnya sidin pa katuju banar ka wisi, padahal sidin tahu ae wisi gintu babau lawan katuju banar mangulai banyu, dasar bujur manganganak.
“kanapa mang?” ujar nang dimuka manyahut
“aku takantut!” sidin baucap, mudil kada tahu-tahu ha!
Isuknya……
“uma heh!! Asa lapar aku nah, handak makan kada baduit aduhhhhh!!!!” ujar sidin manggarunum didalam langgar sidin kamahiran sudah guring disitu. Sidin tukang mambarasihi langgar diupah urang sakahandak ae, urang bawakap lawan sidin. Kada lawas, imbah sidin manggarunum tadi, ada rang ma’atari kulak pisang.
“mang, u….. mang?” acil ati kuciak-kuciak mangiau dipalataran langgar. Mangaluar ae nang tuha didalam tadi
“uma ikam nih tahu banar aku lapar!” ujar sidin pina kanyamanan mancium kulak ulahan acil ati. Mambari maras haja pang sidin ngintu kada babini padahal umur tuha bangka sudah.
“tarimakasih ti ae!” ujar sidin manyambat padahalcil atinya hudah bajalan maninggalakan
“ae, kama si ati tadi” manjinguk sidin kamuhara langgar kadada jua urangnya. Asa kalaparan banar kalu hudah sidin dimakan sidin ae lalu kulak tadi. Rupanya cacing diparut sidin maggaluruk, kalaparan jua sakalinya.
“isuk nispu am nah!” kakanakan barucau sambil bamainan kalikir.
“buhan ikam puasa lah isuk?” datang saikung manakuni babuhan kakanakan nag bacungkungan dimuka langgar tadi.
Didalam langgar…….
Amang Tukacit guring, mangaruh sidin singnyaringan. Kakanakan nang dimuka langgar tadi tatawaan singnyaringan cucuk banar balawan lawan nang tuha didalam langgar nyaringnya. Tabangun jua ujung-ujungnya Amang Tukacit nang mangaruh tuh.
“uyy,!” ujar sidin manyarik lawan mata pina kurup-kurup takutan ae lalu babuhan kakanakan tadi. Sakalinya ada nang basuara.
“kami hakun haja bajauh asal pian hakun bakisah lawan cuklat nang dibawah nih na!” ujar kakanak tadi, inya handak mawarahi Amang Tukacit banaham padahal nang dipadahakan kakanak tadi lain cuklat ngintu padahal tahi lancung, buhan kakanakan ngintu tahu pada sidin katuju banar makan cuklatlawan mata sidin pina kurup-kurup jua
“na..h kakanakan ngini handak mawarahi aku saku!” ujar sidin dalam hati.
“lakas mang!” jar kakanakan ngintu manggasak .
“ayuha!!!” manyahut sidin. Bacungkung ae sidin tadi, sidin handak tahu ngintu cuklat atawa lain.
“na..h kisahnya kaya ngini….. ada pasawat, pasawat ngintu handak tarabang” dicuntuhan sidin pasawat ngintu iya jari talunjuk sidin dijapai sidi tahi ancung tadi “ai, kanapa jadi panas” didustai kakanakan saku aku” sidin bapikir.
“imbah ngitu pasawatnya handak tarabang ..” banaik jari talunjuk sidin sampai dimuhara hidung sidin. Maksud sidin handak mancium nang dijapai sidin tadi tahi lancing atawa lain, sakalinya bujur jua ae, ngintu tahi lancing. Sidin ngini handak mancari cara supaya kada kakalahan.
“pas haratan di atas pasawatnya tagana! Babacaan ae nang didalam pasawat tadi sakalinya mau haja inya taturun” ujar sidin kada handak kalah diturun akan sidin jari sidin nag tapalit tahi lancing ngintu. Bapikir pulang sidin kayapa manyapuakan tahi dijari sidi ngintu.
“imbah taturun rupanya pasawat ngintu baputar-putar ditanah” ujar sidn. Jari sidin tadi baputar-putar ae ditanah makdudnya mahilangakan tahi nang ditangan sidin tadi.
“labaram, kada jadi kita mawarahan sidin!” ujar kakanakan tadi mambisiki kawan nang dihiga. “dasar raja akal sidin ngini” kakanak tadi mambisiki baasa
Malam nispu..
Kakanakan rami datangan ka’ langgar handak sambahyang hajat nang banyak tu kakanakan lalakian pada babinian. Amang Tukacit dipadang pa’udhuan. Baparak ae buhan kakanakan nang handak ma’akali sidin tadi. Handak manyalami rupanya. “nah mang kami handak salim” ujar kakanak lalakian tuh.
“ikam handak ma’akali aku kalu tadi? Ujar sidin manakuni
“hehehe” kakanak tadi tatawaan
____________________________Artikel ini diperoleh dari situs: Cerita Tiyooww
Link: http://ceritatiyoow.blogspot.com/2012/01/cerpen-bahasa-banjar.html
Tidak ada komentar:
Posting Komentar